Андижон давлат техника институтида вилоят статистика бошқармаси томонидан “Ўзбекистон Республикасида аҳоли ва қишлоқ хўжалигини рўйхатга олишга тайёргарлик кўриш ва уни ўтказиш бўйича амалга оширилаётган ишлар тўғрисида” семинар ташкил этилди.
Тадбирда Андижон вилояти статистика бошқармаси бошлиғи, Рўйхатга олиш жараёнларини ташкил этиш ва ўтказиш бўлими ходимлари, институт профессор-ўқитувчилари ва талабалари иштирок этишди.
Семинарда вилоят статистика бошқармаси томонидан аҳоли ва қишлоқ хўжалигини рўйхатга олишни мазмун-моҳияти, тайёргарлик жараёнларининг ҳозирги ҳолати, рўйхатга олишларни ўтказиш бўйича халқаро ташкилотлар тавсиялари тўғрисида батафсил тушунчалар берилди.
Шунингдек, иштирокчилар таргъибот ишларини олиб боришда қайси жиҳатларга эътибор қаратиш лозимлиги бўйича ўзаро фикр-мулоҳаза алмашишди.
Семинар қизғин баҳс ва мунозараларга бой бўлди. Талабаларнинг саволларига мутахассислар томонидан батафсил жавоб берилди.