2026-yil 15- yanvardan 28-fevralga qadar respublikamizda aholi va qishloq xo‘jaligini ro‘yxatga olish ishlari o‘tkaziladi va ushbu tadbirga hududlardagi “mahalla yettiligi” xodimlari jalb etiladi.
Bugun Oʻzbekiston Respublikasi Prezidenti huzuridagi Ijtimoiy himoya milliy agentligi direktori o'rinbosari S.Abdullayev, Ijtimoiy himoya milliy agentligi viloyat boshqarmasi boshlig'i o'rinbosari B. Matnazarov Xiva shahriga tashrif buyurib, shaharda ro'yhatga olishga tayyorgarlik jarayonlari bilan tanishdilar. Aholini ro'yhatga olishning mazmun-mohiyati va maqsadlari, bu jarayonda barcha ishtirok etishi haqida so'z yuritildi.
Shuningdek, Sangar va Yangi hayot mahallalari yettiligi bilan suhbat o'tkazildi. Mahalla xodimlariga planshet qurilmalarida savolnomalarni to'g'ri va aniq qayd etish bo'yicha tavsiyalar berildi.