Sirdaryo viloyati statistika boshqarmasi xodimlari tomonidan Shirin shahridagi Energetika kollejida aholini ro`yxatga olishga tayyorgarlik ko`rish va uni o`tkazish yuzasidan seminar o`tkazildi. 
Seminarda Energetika kolleji moliya-iqtisod bo’yicha o’rinbosari – R.Abdaliev, talabalar hamda viloyat statistika boshqarmasi mutaxassislar ishtirok etishdi
Seminar davomida respublikamizda aholini roʼyxatga olish tadbirini o‘tkazishning asosiy maqsad va vazifalari, bu borada ko‘rilayotgan tayyorgarlik jarayonlari haqida ma'lumotlar berildi.
Shuningdek, 2024-yilni mamlakatimizda “Yoshlar va biznesni qo‘llab-quvvatlash yili”, deb e’lon qilinishi munosabati bilan aholi o‘rtasida ro‘yxatga olish tadbirini nechog‘lik muhimligi va uni o‘tkazishga yoshlar, fuqarolar hamda tadbirkorlarning o‘zlari ham qatnashish imkoniyatiga ega ekanligi to‘g‘risida ta’kidlab o‘tildi.
Talabalarning savollariga statistika boshqarmasi mutaxassislari tomonidan batafsil javob berildi.