Hududlarda aholini ro`yxatga olish jarayoniga tayyorgarlik to‘g‘risidagi tadbirlar davom etmoqda

Joriy yilning 4- may kuni Sirdaryo viloyati statistika boshqarmasi hamda Shirin shahar statistika bo'limi bilan hamkorlikda shahar hokimligi xodimlari va shahar kengashi deputatlari ishtirokida “Aholini ro`yxatga olishning ahamiyati” mavzusida seminar o`tkazildi.

Seminarda Vazirlar Mahkamasininig 2020- yil 11- noyabrdagi “O`zbekiston Respublikasida 2023- yilda aholini ro`yxatga olishga tayyorgarlik ko`rish va uni o`tkazish chora-tadbirilari to`g`risida”gi 710-son qarori ijrosi bo`yicha olib borilayotgan ishlar yuzasidan ma`lumot berildi.

Tadbirda aholini ro`yxatga olishning tashkiliy va metodik tamoyillari, dasturiy-texnik ta`minoti va ma`lumotlarni qayta ishlashning texnologik jarayonlarini sinovdan o`tkazish bo`yicha so`z yuritildi.

Mutaxassislar aholini ro`yxatga olishga tayyorgarlik ko`rish bo`yicha shu kunga qadar bajarilgan ishlar hamda kelgusida amalga oshirilishi lozim bo`lgan vazifalar to`grisida batafsil ma`lumot berishdi.


Matbuot xizmati