Joriy yilning 08 fevral kuni Navoiy viloyati statistika boshqarmasining Roʻxatga olish jarayonlarini tashkil etish va oʻtkazish boʻlimi xodimlari tomonidan Navoiy Davlat institutining Energomexanika fakulteti tаlаbаlаri bilan Oʻzbekiston Respublikasida 2023- yilda aholini ro'yxatga olishga tayyorgarlik koʻrish va uni oʻtkazish chora-tadbirlari toʻgʻrisida seminar tashkil etildi.
Seminarda O'zbekiston Respublikasi Vazirlar Mahkamasining 2020- yil 11- noyabrdagi “Oʻzbekiston Respublikasida 2023- yilda aholini ro'yxatga olishga tayyorgarlik koʻrish va uni oʻtkazish chora-tadbirlari toʻgʻrisida”gi 710- sonli qarorining mazmun-mohiyati hamda uning ijrosi bo'yicha amalga oshirilayotgan ishlar, shuningdek, bajarilishi lozim bo'lgan vazifalar toʻgʻrisida batafsil ma’lumotlar berdi.
Seminarda aholini ro‘yxatga olishning tashkiliy va metodik tamoillari, dasturiy-texnik ta’minoti va ma’lumotlarni qayta ishlashning texnologik jarayonlarini sinovdan o‘tkazish bo‘yicha ma’lumotlar berildi.
O’tkazilgan davra suhbati jarayonida ishtirokchilar tomonidan berilgan savollarga batafsil javoblar berildi.
Axborot xizmati