Yashnobod tumani Boyqo`rg`on mahallasida Toshkent shahar statistika boshqarma tomonidan “Aholini ro`yxatga olishni tashkil etish va o`tkazish” bo`limi tomonidan O`zbekiston Respublikasida 2023 yilda aholini ro`yxatga olishga tayyorgarlik ko`rish bo`yicha amalga oshirilayotgan chora-tadbirlar mavzusida o`quv seminari tashkil etildi.
Unda 2020- yil 11- noyabrdagi Vazirlar Mahkamasining “O`zbekiston Respublikasida 2023- yilda aholini ro`yxatga olishga tayyorgarlik ko`rish va uni o`tkazish chora-tadbirlari to`g`risida” gi 710– sonli qarori ijrosi yuzasidan fikr-mulohaza almashildi.
Mutaxassislar aholini ro`yxatga olishga tayyorgarlik ko`rish bo`yicha shu kunga qadar bajarilgan ishlar hamda kelgusida amalga oshirilishi lozim bo`lgan vazifalar to`grisida batafsil ma’lumot berishdi.
Shuningdek, davlat va xo`jalik boshqaruvi organlari, mahalliy davlat hokimiyati organlari rahbarlarining aholini ro`yxatga olishga tayyorgarlik ko`rish va uni o`tkazish jarayonlaridagi mas’uliyati haqida atroflicha tushunchalar berildi.
Axborot xizmati