Andijon viloyati statistika boshqarmasining Ro‘yxatga olish jarayonlarini tashkil etish va o‘tkazish bo‘limi xodimlari tomonidan Andijon qishloq ho’jaligi va agrotexnologiyalar institutida “Aholini ro`yxatga olishning ahamiyati” mavzusida seminar o’tkazildi.
Seminarda viloyat statistika boshqarmasi bo‘limi mutaxassislari, institut o`qituvchilari hamda talabalar ishtirok etdi.
Seminar davomida viloyatdagi mavjud barcha shahar va tuman sxematik xaritalari hamda mahalla va qishloq aholi punktlarining chizma rejalarini tayyorlash, amalga oshirilishi kerak bo‘lgan ishlar bo‘yicha alohida to‘xtalib o‘tildi.
Shuningdek, respublikamizda aholini roʼyxatga olish tadbirini oʼtkazishning asosiy maqsad va vazifalari, bu borada ko‘rilayotgan tayyorgarlik jarayonlari haqida ma'lumotlar berildi.
Talabalarning savollariga statistika boshqarmasi mutaxassislari tomonidan batafsil javob berildi.
