2023-yilning 21-iyul kuni Statistika agentligida “Aholini ro'yxatga olish ma'lumotlarini tarqatish” bo‘yicha taqdimot o‘tkazildi.
Ushbu taqdimotda Oʻzbekiston Respublikasi Prezidenti huzuridagi Statistika agentligining Roʻyxatga olishni tashkil etish va ma’lumotlarni qayta ishlash bo’limi boshlig’i o’rinbosari Olimjon Sidiqov safar davomida olgan bilim va tajribalari yuzasidan ma’lumot berib o’tdi.
Taqdimotchi joriy yilning 10-13- iyul kunlari Qozog‘istonning Ostona shahrida Birlashgan Millatlar Tashkiloti Aholishunoslik jamg‘armasining (UNFPA) “Sifatli ma’lumotlar – samarali siyosat” (CISPop) mintaqaviy dasturi doirasida MDH-STAT, AQSh aholini ro‘yxatga olish byurosi va UNFPA bilan birgalikda bo‘lib o‘tgan “Aholini ro'yxatga olish ma'lumotlarini tarqatish” mavzusidagi seminar natijalari bo‘yicha batafsil ma’lumot berdi.
Shuningdek, taqdimotda aholini milliy ro‘yxatga olish natijalarini tarqatish shakllari va usullari, anonimlashtirilgan mikroma'lumotlar bazasining foydalanuvchilar uchun ochiqligi, aholini ro'yxatga olish ma'lumotlarini tarqatishda geofazoviy texnologiyalardan foydalanish masalalari yusasidan fikr-mulozalar bildirildi.
Taqdimot yakunida ishtirokchilarni qiziqtirgan savollariga atroflicha javob berildi.
